Sot qyzmetteriniń zańnamalyq protsessýaldyq normasyn dáıekti túrde jetildirý mańyzdy - Elbasy
ASTANA. 20 qarasha. QazAqparat - Sot qyzmetteriniń zańnamalyq protsessýaldyq normasyn dáıekti túrde jetildirý mańyzdy.
Bul týraly búgin QR Sýdıalarynyń VI sezinde Elbasy Nursultan Nazarbaev aıtty.
«Sot qyzmetteriniń zańnamalyq protsessýaldyq normasyn dáıekti túrde jetildirý mańyzdy. Qazirdiń ózinde jańa Qylmystyq, Qylmystyq is júrgizý, Qylmystyq atqarý, Ákimshilik quqyq buzýshylyq týraly kodeksterdiń jobalary daıyndaldy. Ol uzaq ýaqyt boıy ári tyńǵylyqty ázirlendi. Biz ony barlyǵymyz kórdik, onyń ishinde men de. Onda sottardyń jańa quziretteri, onyń ishinde jeńildetilgen jańa sot óndirisi tártibi qarastyrylǵan. Sot qaraýy barysyndaǵy sottyq baqylaý aıasy, sýdıalardyń ókilettigi keńeıedi», - dedi Memleket basshysy.
Sonymen qatar Elbasy elimizde odan ári izgilendirý júrgizilip jatqandyǵyn, degenmen sýdıalar óz jumystaryn álsiretip almaı árbir iske tyńǵylyqty qaraýy kerektigin basa aıtty.
«Bul kodeksterdi jaqyn arada qabyldap, iske qosý sýdıalar qyzmetiniń sapasyn, jedeldigin arttyrý úshin jańa múmkinshilikter ashady», - dedi QR Prezıdenti.
