Sot qyzmetiniń ashyqtyǵyn qamtamasyz etý men jemqorlyqpen kúres Joldaýda kóterilgen mańyzdy mindetter - Májilis depýtaty
ASTANA. 27 qańtar. QazAqparat /Aıdar Ospanalıev/ -«Qazaqstan Prezıdentiniń bıylǵy Joldaýyndaǵy erekshe atap óterlik máseleler sot qyzmetin jetildirý, jemqorlyqpen kúrespen baılanysty», - deıdi Májilis depýtaty Máýlen Áshimbaev.
Bul pikirin ol búgin Parlament palatalarynyń birlesken otyrysynan soń jýrnalısterge bergen suhbatynda aıtty.
Depýtattyń pikirinshe, bul máselelerdiń barlyǵyn udaıy jetildirip otyrý qajet. Qoǵam arasynda sýdıalardyń jekelegen áreketterine azamattardyń kóńilderi tolmaıtyn kezderi de bolady. Osy máseleni retteý baǵytynda búgingi Joldaýda naqty mindetter qoıyldy. Jalpy sot organdary arasynda jemqorlyqpen kúres pen olardyń qyzmetiniń ashyqtyǵyn qamtamasyz etý - mańyzdy mindet», - dedi depýtat.
