Sot QR Shekara qyzmetiniń burynǵy basshysynyń kassatsııalyq shaǵymyn qanaǵattandyrmady
ASTANA. QazAqparat - Sot QR UQK Shekara qyzmetiniń burynǵy basshysy Nurlan Jolamanovqa qatysty bultartpaý sharasyn ózgertý týraly kassatsııalyq shaǵymdy qanaǵattandyrǵan joq. Sottalýshyǵa qatysty sot úkimi ózgerissiz qaldyryldy.
Bul týraly QazAqparat tilshisine Áskerı sottyń baspasóz qyzmetinen habarlady.
Sotta kassatsııalyq shaǵymdy 3 maýsym kúni sottalýshynyń zaıyby bergenin naqtylap ótti. Esterińizge sala keteıik, birinshi ınstantsııaly sottyń 2015 jylǵy 6 naýryzdaǵy úkimimen N.Jolamanov QR QK-niń 235 babynyń 3 bólimimen, 366 babynyń 4 bólimimen aıypty dep tanyldy. Oǵan 11 jyl bas bostandyǵynan aıyrý, óziniń ıeligindegi jáne birlesken ıeligindegi úlesi bolyp tabylatyn múlkin tárkileý, ómiriniń sońyna deıin memlekettik qyzmette jaýapty jáne basqarýshy qyzmetterdi atqarmaý, merzimin qatań rejimdegi túzeý kolonııasynda óteý jazasy taǵaıyndalǵan.
