Sot QR Bilim jáne ǵylym mınıstrliginiń ál-Farabı atyndaǵy QazUÝ-ǵa tekserisin zańsyz dep tanydy
ASTANA. 22 maýsym. QazAqparat - Astana qalasynyń mamandandyrylǵan aýdanaralyq ekonomıkalyq sotynyń 2013 jylǵy 18 maýsymdaǵy sheshimimen
QR Bilim jáne ǵylym mınıstri mindetin atqarýshy Murat Orynhanovtyń ál-Farabı atyndaǵy QazUÝ qyzmetin tekserý nátıjeleri boıynsha jasalǵan 2013 jyldyń 26 sáýirindegi usynysy zańsyz dep tanylyp, keri qaıtaryldy. Bul týraly JOO-nyń baspasóz qyzmetinen málim etti.
Aıta keteıik, budan buryn, Astana qalasynyń mamandandyrylǵan aýdanaralyq ekonomıkalyq sotynyń 2013 jyldyń 24 mamyryndaǵy sheshimimen QR BǴM-niń áreketi - 2013 jyldyń 7 aqpanyndaǵy QR Bilim jáne ǵylym mınıstriniń mindetin atqarýshy Saıat Shaıahmetovtyń buıryǵy negizinde júrgizilgen joǵaryda atalǵan tekserý jumystaryn belgileý jáne júrgizý dóreki zań buzýshylyqtarǵa baılanysty zańsyz dep tabylǵan bolatyn.
Osylaısha, júrgizilgen tekserýlerdiń zańsyzdyǵy ýnıversıtet múddesine saı dáleldendi.
JOO-nyń baspasóz qyzmetinen habarlaǵandaı, sońǵy eki jylda ál-Farabı atyndaǵy QazUÝ-dy baqylaýshy jáne quqyq qorǵaý memlekettik organdary 58 ret teksergen, onyń 26-sy QR BǴM-niń tarapynan júrgizildi.
