Sot klıentterdiń bılet qunyn qaıtarý úshin Bek Air múlkine tyıym saldy
ALMATY. QazAqparat – Sot Bek Air áýe kompanııasynyń múlkin paıdalanýǵa tyıym saldy, dep habarlaıdy QazAqparat tilshisi.
«Sot QR Azamattyq avıatsııa komıtetiniń toptyq shaǵymyn qanaǵattandyrý úshin Bek Air áýe kompanııasynyń múlkin paıdalanýǵa tyıym saldy», - dedi Almaty qalalyq sotynyń baspasóz qyzmetinen.
Aıta ketý kerek, 22 sáýirde Túrksib aýdandyq sotynda vıdeobaılanys formatynda birinshi sot otyrysy ótti. Sotta QR Azamattyq avıatsııa komıtetiniń toqtatylǵan reısterdiń bıletin alǵan klıentterdiń qarajatyn qaıtarý úshin «Bek Air» AQ shaǵymy qaraldy.
Komıtet 560 qazaqstandyqtyń múddesin qorǵady. Olar 37 mln teńgege 1070 bılet satyp alǵan.
Aıta ketý kerek, 2019 jyly 27 jeltoqsanda «Bek Air» áýe kompanııasynyń 2100 Almaty - Nur-Sultan reısi áýege kóterilip bara jatqanda bıiktikti joǵaltyp, beton qorshaýǵa, odan keıin qosqabatty úıge soǵylǵan.
Apattan 12 adam qaıtys boldy. 29 adam jaraqataldy. 51 adam qalalyq aýrýhanalarǵa jetkizildi. Eki adam emhanaǵa kelgen kezde qaıtys boldy.
Aıta ketý kerek, 2019 jyly 27 jeltoqsanda «Bek Air» áýe kompanııasynyń 2100 «Almaty - Nur-Sultan» reısi áýege kóterilip bara jatqanda bıiktikti joǵaltyp, beton qorshaýǵa, odan keıin qosqabatty úıge soǵylǵan.
Apattan 12 adam qaıtys boldy. 29 adam jaraqat aldy. 51 adam qalalyq aýrýhanalarǵa jetkizildi. Eki adam emhanaǵa kelgen kezde qaıtys boldy.
7 naýryzda áýe apatynan zardap shekken sońǵy jolaýshy adam aýrýhanadan shyqty.
