Sot qıyrshyq tas óńdeý zaýytynyń jumysyn toqtatty - Mańǵystaý oblysy

AQTAÝ. QazAqparat - Mańǵystaý oblysynyń ekologııa departamenti sotqa «T» JShS qıyrshyq tas óńdeý zaýytynyń jumysyn memlekettik ekologııalyq saraptamanyń oń qorytyndysy men ekologııalyq ruqsat alǵanǵa deıin toqtatý turý týraly talap qoıý aryzymen júgindi, dep habarlaıdy QazAqparat óńirlik sottyń resmı saıtyna silteme jasap.

«T» JShS-ne «Q» ken ornynda qurylys tasyn óndirý maqsatynda ýaqytsha paıdalaný quqyǵymen (jalǵa) jer ýchakesi berilgen.

Alaıda, «T» JShS-i ekologııalyq zannamalar men talaptardy buzyp óz erkimen qurylys tas pen qıyrshyq tas óńdeý zaýytyn iske qosqan.

Sot talap qoıý aryzyn qanaǵattandyryp, T» JShS-niń qıyrshyq tas óńdeý zaýytynyń jumysyn memlekettik ekologııalyq saraptamanyń oń qorytyndysy men ekologııalyq ruqsat alǵanǵa deıin toqtatty.

Sot sheshimi zańdy kúshine engen joq.