Sot Kentaýdyń burynǵy ákimi Dáýren Mahajanovqa qatysty úkimdi ózgerissiz qaldyrdy

ALMATY. QazAqparat - Kentaý qalasynyń burynǵy ákimi Dáýren Mahajanovqa qatysty úkim ózgerissiz qaldyryldy, dep habarlaıdy QazAqparat tilshisi.

Búgin Almaty qalalyq soty sottalýshynyń apellıatsııalyq shaǵymyn qarady, ol qanaǵattandyrýsyz qaldyryldy, úkim zańdy kúshine endi.

«D. Mahajanov 10 jylǵa bas bostandyǵynan aıyryldy. Ol asa iri kólemde para alǵany úshin kináli dep tanyldy»,- dep habarlady sottyń baspasóz qyzmetinen.

Buǵan deıin sot úkimimen M. para alǵany úshin kináli dep tanylyp, oǵan ómir boıyna memlekettik qyzmette isteýine tyıym salynyp, qaýipsizdigi eń joǵary qylmystyq atqarý júıesi mekemelerinde 10 jyl merzimge bas bostandyǵynan aıyrý jazasy taǵaıyndalǵan bolatyn.

Sondaı-aq, Túrkistan oblysynyń ákimi Ómirzaq Shókeev Kentaý qalasyn basqarǵan Dáýren Mahajanovtyń qylmysy dáleldense, otstavkaǵa ketýge daıyn ekenin aıtqan edi.