Sot keńselerinde memlekettik tildiń qoldanylýy taqyrybynda beınekonferentsbaılanys arqyly semınar ótkizildi

ASTANA. QazAqparat - Búgin QR Joǵarǵy Soty «Sot keńselerinde is qaǵazdaryn júrgizýde memlekettik tildiń qoldanylýy» taqyrybynda beınekonferentsbaılanys arqyly semınar ótkizdi.

Semınarǵa Joǵarǵy Sottyń sýdıasy Ǵ.Aq-qýova, QR Joǵarǵy Sotynyń janyndaǵy Sottardyń qyzmetin qamtamasyz etý departamentiniń basshysy І.Ispanov, sondaı-aq Joǵarǵy Sot apparatynyń qyzmetkerleri, sottardyń keńse basshylary men memlekettik tildi damytýmen aınalysatyn mamandary qatysty.

Qatysýshylar sottarda memlekettik tildegi is qaǵazdaryn júrgizýdiń jaı-kúıin jáne ony qoldanýdyń sapasyn arttyrýdyń aǵymdaǵy jáne perspektıvalyq máselelerin talqylady.

Semınardyń qorytyndylary boıynsha jergilikti sottar keńseleriniń basshylaryna is qaǵazdaryn júrgizýdegi memlekettik tildiń qoldanylý sapasyn jaqsartý boıynsha sharalar qabyldaý týraly tapsyrmalar berildi ári tıisti usynymdar qabyldandy, dep habarlaıdy QR Joǵarǵy Sotynyń baspasóz qyzmeti.