Sot Qazaqstandyq AT kompanııalar qaýymdastyǵynyń talabynan bas tartty
ASTANA. QazAqparat - Astana qalasynyń mamandandyrylǵan aýdanaralyq ekonomıkalyq soty Qazaqstandyq AT kompanııalar qaýymdastyǵynyń «QR Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıteti» MM-ǵa qatysty ótinishi boıynsha azamattyq isti qarady.
Astana qalalyq sotynyń baspasóz qyzmetiniń habarlaýynsha, Qazaqstandyq AT kompanııalar qaýymdastyǵy (budan ári - qaýymdastyq. red.) tirkeýshi fırmalardyń barlyǵy úshin qazaqstandyq domenderdi tirkeýge eń tómengi baǵa belgileý týraly buıryq shyǵarǵan, osylaısha birden tarıfterdi eki eseden asa kóterip jibergen. Monopolııaǵa qarsy komıtet bul buıryqtyń kúshin joıdy. Qaýymdastyq naryqqa qatysýshy bolyp tabylmaıtyndyqtan, monopolııaǵa qarsy zańnama oǵan qoldanylmaıtynyn negizdeı kele, monopolııaǵa qarsy organnyń shyǵarǵan sheshimin zańsyz dep tanýdy talap etken. Monopolııaǵa qarsy zańnama buzýshylyǵyn tergeý barysynda alynǵan tergeý materıaldary, qaýymdastyq jaýaptary, sondaı-aq ózge de málimetter olardyń is-áreketinde belgilengen baǵaǵa alyp keletin naryq sýbektileriniń ekonomıkalyq qyzmetin úılestirý faktileri bar ekenin kórsetedi.
Sotta qaýymdastyqqa baǵalardy belgileýge ókilettilik berilmegeni anyqtaldy.
Sot sheshimimen Qazaqstandyq AT kompanııalar qaýymdastyǵynyń talabynan bas tartyldy.
