Sot Qaırat Qudaıbergendi qamaýda ustaý merzimin ózgerissiz qaldyrdy
ALMATY. QazAqparat- Sot máslıhat depýtaty Qaırat Qudaıbergendi qamaýda ustaý týraly bultartpaý sharasyn ózgerissiz qaldyrdy, dep habarlaıdy habarlaıdy QazAqparat tilshisi.Almaty qalalyq sotynyń baspasóz qyzmeti málim etkendeı, 4 mamyrda appelıatsııalyq sot otyrysy ótti.
«Búgin Almaty qalalyq sotynyń qylmystyq ister jónindegi sot alqasy qamaýǵa alý sanktsııasyn kúshinde qaldyrdy, advokattardyń jeke shaǵymdary qanaǵattandyrylmady. Buǵan deıin tergeý soty is-áreketti saralaý týraly sheshim qabyldanǵanǵa deıin 30 táýlikke qamaýǵa alý túrindegi bultartpaý sharasyn qoldanýǵa sanktsııa bergen bolatyn», - delingen sottyń habarlamasynda.
Eske salsaq, QR Bas prokýratýrasy Almaty qalasy máslıhatynyń depýtaty Qaırat Qudaıbergen qańtar oqıǵasynyń isi boıynsha ustalǵanyn rastady. Qaırat Qudaıbergen Dıkıı Armanmen birge adam jınaýdy uıymdastyrǵan. Keıin ol bir aıǵa qamaýǵa alyndy.
Al 7 qańtarda polıtseıler «Dıkıı Arman» laqap atymen tanymal qylmys áleminiń serkesi Arman Jumageldıevti ustady .
