Sot Kaspıı qubyr konsortsıýmynyń qyzmetin 30 táýlikke toqtatty

NUR-SULTAN. QazAqparat – Novorossııskiniń Prımorsk aýdandyq soty qujattyq zań buzýshylyqtar úshin «KTK-R» kompanııasynyń qyzmetin 30 táýlikke toqtatty, dep habarlaıdy QazAqparat tilshisi Reseıdiń TASS agenttigine silteme jasap.

Kaspıı qubyr konsortsıýmy baspasóz qyzmetiniń habarlaýynsha, sot munaıdyń apattyq jaǵdaıda tógilýin anyqtaǵan.

Sot sheshimimen kelispeıtin Kaspıı qubyr konsortsıýmy qaıta shaǵymdanýǵa nıetti.

«KTK-R» AQ qyzmetin toqtata turý boıynsha qarsylyqtardy jiberý maqsatynda isti qaraýdy keıinge shegerý týraly ótinishti sot qanaǵattandyrýsyz qaldyrdy. Sottyń 2022 jylǵy 5 shildedegi qaýlysymen Rostransnadzordyń talaptary qanaǵattandyryldy: «KTK-R» AQ qyzmetin 30 táýlikke ákimshilik negizde toqtata turý túrindegi jaza taǵaıyndaldy», - dep habarlady kompanııa.

Buǵan deıin Kaspıı qubyr konsortsıýmynyń munaı tasymaldaıtyn 2 qurylǵysy jumysyn ýaqytsha toqtatqany týraly habarlaǵan edik.