Sot Qashaǵan operatorynyń 2,3 trln teńge aıyppulǵa qatysty talabyn qanaǵattandyrmady

Іs boıynsha sheshim 2026 jyldyń 23 qyrkúıeginde shyǵarylǵan. Kompanııa memlekettik sot oryndaýshysynyń 21 shildede atqarýshylyq is júrgizýdi qozǵaý týraly shyǵarǵan qaýlysyn, 21 shildede jyljymaıtyn múlikke jáne 22 shildede kólik quraldaryna tyıym salý týraly qaýlylaryn, sondaı-aq 2026 jylǵy 23 jáne 30 shildede belgili bir áreketterdi jasaýǵa engizilgen tyıymdardy zańsyz dep tanýdy jáne kúshin joıýdy suraǵan.

Alaıda sot NCOC-diń barlyq talabyn qanaǵattandyrýdan bas tartty. Sot sheshimi túpkilikti nysanda shyǵarylǵan kúnnen bastap on jumys kúni ishinde apellıatsııalyq tártippen shaǵymdanýǵa bolady.

Eske sala keteıik, Qashaǵan iri munaı jobasyna qatysty 2,3 trln teńge (5,1 mlrd dollar shamasynda) kólemindegi talapty QR Ekologııa jáne tabıǵı resýrstar mınıstrligi 2023 jyly kúkirtti shamadan tys saqtaý faktileri boıynsha engizgen.

Kompanııa aıyppulmen kelispeıtinin málimdep, halyqaralyq tórelik rásimderge júginse, Qazaqstan tarapy sot sheshimi zańdy kúshine engenin jáne ony oryndaý mindetti ekenin atap ótti.

Atqarýshylyq is qozǵalǵanna keıin Atyraý oblysy boıynsha ekologııa departamentiniń basshysy Asqar Júsipov atqarýshylyq qujatty oryndaý merzimi 2 aı ekenin málimdedi. 

7 qyrkúıekte 2,3 trln teńge óndirip alý úshin qozǵalǵan atqarýshylyq is ýaqytsha toqtatyldy. Mundaı aqparat atqarýshylyq is júrgizý organdarynyń avtomattandyrylǵan aqparatty júıesinde belgili boldy. 

Ádilet mınıstrligi qomaqty qarjyny óndirý protsesin toqtaýyn NCOC kompanııasy memlekettik sot oryndaýshysynyń áreketterine shaǵymdanýyna baılanysty Atyraý oblysynyń mamandandyrylǵan aýdanaralyq ákimshilik soty atqarýshylyq is júrgizý materıaldaryn suratýymen túsindirdi.