Sot Qaraǵandy oblysyndaǵy sharýa qojalyǵynan 20 mln. teńge óndirip aldy
ASTANA. QazAqparat - Sot memleket paıdasyna 130 bas iri qara maldy (ІQM) alý úshin sharýa qojalyqqa (ShQ) tólengen 20,02 mln teńge kólemindegi sýbsıdııa somasyn óndirip aldy, dep habarlaıdy «QazAqparat» HAA tilshisi Qaraǵandy oblystyq mamandandyrylǵan aýdanaralyq ekonomıkalyq sotynyń baspasóz qyzmetine silteme jasap.
Qaraǵandy oblystyq mamandandyrylǵan aýdanaralyq ekonomıkalyq sotynda Qaraǵandy oblystyq aýylsharýashylyq basqarmasynyń sharýa qojalyǵynan soma óndirip alý týraly talaby boıynsha azamattyq is qaraldy. Іs materıaldary boıynsha, asyl tuqymdy mal sharýashylyǵynyń ónimdiligi men ónim sapasyn arttyrý maqsatynda ShQ-ǵa 20,02 mln teńge kóleminde sýbsıdııa tólengen. Bul sýbsıdııalar 43 bas ógizshe men 87 bas buzaý alý úshin bólingen. Qaraǵandy oblystyq prokýratýrasynyń deregi boıynsha, qol qoıylǵan kelisim aıasynda ShQ udaıy óndiristik maqsatta asyl tuqymdy tóldeıtin maldardy kem degende eki jyl, al asyl tuqymdy ógizderdi - keminde eki maýsym paıdalaný boıynsha óz moınyna alǵan mindetterin oryndamaǵan. Sondaı-aq, asyl tuqymdy mal sharýashylyǵyn damytýǵa arnalǵan bıýdjettik baǵdarlama oryndalmaǵandyqtan, tólengen sýbsıdııa bıýdjetke qaıtarylýy kerek.
Sot talapty qanaǵattandyryp, jaýapkerden memleket paıdasyna 20,02 mln teńge óndirip aldy. Sottyń sheshimi zańdy kúshine engen joq.
