«Sot kabınetiniń» qyzmeti jandanyp keledi
ASTANA. QazAqparat - Búginde sot júıesinde keńinen qoldanysqa engen «Sot kabınetiniń» qyzmeti óz tıimdiligin barynsha dáleldep keledi.
Aldymen, «Sot qabıneti» qyzmeti qalaı júzege asady degen máselege toqtalsaq. Búgingi tańda, Qazaqstandaǵy sottardyń barlyǵy birińǵaı elekrondyq qujat aınalymyna tolyqtaı kóshti deýge bolady. Tájirbıe kórsetip otyrǵandaı, birińǵaı elektrondyq qujat aınalymy qaǵazbastylyqtan qutqaryp qana qoımaı, ýaqytty únemdeýge, túrli shyǵyndardy azaıtýǵa da aıtarlyqtaı septigin tıgizýde. Sondaı-aq, qujat aınalymynyń elektrondyq tártipke kóshýi memlekettik mekemelerdiń qyzmetiniń ashyqtyǵyn qamtamasyz etedi. Jemqorlyqtyń aldyn-alýda da taptyrmas tásil. Máselen, sot júıesine ústimizdegi jyly engizilgen «Sot kabıneti» elektrondyq aqparattyq qyzmeti negizinen zańdy tulǵalarǵa arnalǵan. «Sot kabıneti» - sot organdarynyń servısine elektrondy túrde qoljetimdi birtutas tereze. Sot óndirisiniń qyzmetin jeńildetýge, sondaı-aq azamattardyń ýaqyty men qarjysyn, bıýdjet qarajatyn únemdeýge, sonymen qatar, sot júıesiniń jedeldigin, azamattardyń sot aqparatyna qoljetimdiligi men ashyqtyǵyn qamtamasyz etýge baǵyttalǵan. «Sot kabıneti» qyzmetin paıdalanýshylar talap aryz berý, sot otyrysynyń hattamasyna eskertý keltirý, ótinish, aryz, shaǵym jáne elektrondyq túrdegi ótinimderdi ázirleý jáne berý, memlekettik alymdardy onlaın túrinde tóleý, derekterdi saqtaý men biriktirýdiń qaýipsizdigi syndy aýqymdy jumystardy ózine qolaıly ýaqytta ári yńǵaıly jerde júzege asyrady. Ol úshin eń aldymen memlekettik mekemeniń qyzmetkeri elektrondyq sandyq kilt alýy kerek. Mundaı kiltti QR Ulttyq kýálandyrý ortalyǵy tegin beredi. Atalǵan kilti bar azamattar esh kedergisiz elektrondyq qujat aınalymyna qatysa alady. ıAǵnı, ol QR Joǵarǵy sotynyń saıtyna kirip, «Sot kabınetine» tirkeledi. Arnaıy tirkeýden ótkenen keıin, tómende kórsetilgen qyzmet túrleriniń birin tańdaýy tıis.
Bir qaraǵanda, bári ońaı ári qarapaıym bolyp kóringenmen, memlekettik mekemeler arasyndaǵy birińǵaı qujat aınalymy kóńildegideı jumys istep tur dep aıta almaımyz. Mysaly, ákimdikter men ishki ister salasy t.b memlekettik mekemelerde qıyndyqtar baıqalady. Kópshiligi birińǵaı elektrondyq qujat aınalymy jáne onymen jumys isteý tártibin áli meńgerip úlgermegen. Ásirese, zeınet jasyna jaqyndaǵan memlekettik qyzmetkerlerge qujattardy elektrondyq túrde joldaý bylaı tursyn, kompıýterdi iske qosýdyń ózi qıynǵa soǵatyny anyq. Osy oraıda, elektrondyq qujat aınalymy jóninen kósh bastaǵan sot júıesiniń qyzmetkerleri memlekettik mekemeler birińǵaı elektrondyq qujat aınalymyn neǵurlym tezdetip qolǵa alsa, solurlym tıimdi deıdi.
