«Sot kabıneti» servısinde 2 mıllıonynshy elektrondy qujatty tirkeldi
Joǵarǵy sottyń baspasóz qyzmetiniń málimetinshe , atalmysh talap aryzdy Astana qalasy Esil aýdandyq sotyna 11 shildede Natalıa Evgenıevna Gaýshkına joldaǵan.
2016 jyly «Sot kabıneti» arqyly sotqa jiberilgen 1 mıllıonynshy qujat tirkelgen. Ony jibergen servıs qoldanýshysy sottaǵy aqparattyq tehnologııalardyń tanymdylyǵyn arttyrý maqsatynda marapattaldy.
«Sot kabıneti» advokattar men zańdy ókilder jumystarynyń tıimdiligin arttyrady, ol - azamattardyń quqyqtyq mádenıetin nyǵaıtýǵa baǵyttalǵan qural. Bul, eń aldymen, «Sot kabıneti» servısi sot qyzmeti boıynsha is-sharalardyń suraqtaryna túsinikteme, barlyq qujattarǵa ýaqytyly qol jetkizýdi qamtamasyz etedi jáne olarǵa naqty anyqtama beredi.
2017 jyldyń 6 aıynda «Sot kabıneti» arqyly elektrondy túrde 521 473 qujat tapsyrylǵan, sonyń ishinde, 296 681-i talap aryzdar, bul servıske degen suranystyń naqty dáleli bolyp tabylady. Búgingi kúni elektrondy túrdegi aryzdardyń úlesi (talap, buıryqtyq, erekshe, erekshe talaptar) 89,8 %-dy quraıdy.
2013 jyly Memleket basshysy sýdıalardyń VI sezinde otandyq sot júıesiniń aldyna sottarda aqparattyq tehnologııalardyń qoldaný aıasyn keńeıtý mindetin qoıdy.
Sonymen, 2014 jylǵa deıin «Elektrondyq úkimet portaly» arqyly protsestik zańnama tek úsh qujatty - talap aryz, sot hattamasyn berý týraly ótinish jáne hattamaǵa eskertýdi elektrondy túrde berý múmkindigin qarastyrǵan bolatyn.
2014 jyly «Sot kabıneti» aqparattyq servısi iske qosyldy. Bul júıe turǵyndarǵa sotqa 30-dan asa elektrondy túrde ótinish jiberýge, sonyń ishinde, talap aryz, apellıatsııalyq, kassatsııalyq shaǵym jáne ótinishti, sonymen birge, olardy qaraý barysyn qadaǵalaýǵa múmkindik beredi.
