«Sot kabıneti» servısi: paıdalanýshylar usynystary iske asyrylýda (FOTO)
«Sot kabıneti» elektrondyq ózara is-qımyl, sondaı-aq sot organdarynyń jedeldiligi, qoljetimdiligi men ashyqtyǵy arqyly sot isin júrgizýdi jeńildetýge arnalǵan.
«Sot kabıneti» servısin iske qosqan sátten bastap onyń múmkindikteri tıisti túrde baǵalandy: servısti halyq keń paıdalanýda jáne advokattar men kásipkerlerdiń tıimdi jumysyna kómektesýge, azamattardyń quqyqtyq mádenıetin jetildirýge jáne ózderiniń konstıtýtsııalyq quqyqtaryn qorǵaýǵa yqpal etedi.
Máselen, 2014 jyly «Sot kabıneti» servısi arqyly 105 707 elektrondyq qujat, 2015 jyly 382 238 elektrondyq qujat berilgen, 2016 jyldyń 5 aıynda elektrondyq túrde 266 262 qujat jiberilgen, bul «Sot kabıneti» servısine suranystyń artqanyn bildiredi.
«Sot kabıneti» servısiniń qaǵaz túrinen ereksheligi elektrondyq nysanda talap aryzdardy, sot hattamasyn berý týraly aryzdy, hattamaǵa eskertý-aryzdy berýge, elektrondyq tsıfrlyq qoltańbany qoldana otyryp, elektrondyq qadaǵalaý is júrgizýine qoljetimdilikti qamtamasyz etýge, sondaı-aq paıdalanýshyǵa yńǵaıly kez-kelgen oryndaǵy ınternet jelisi arqyly memlekettik baj salyǵyn onlaın rejımde tóleýge berilgen múmkindik bolyp tabylady.
Joǵarǵy Sot janyndaǵy Sottar qyzmetin qamtamasyz etý departamenti basshylarynyń jáne jaýapty qyzmetkerlerdiń qatysýymen jumys keńesi ótkizildi. Onda advokattardyń jáne «Sot kabıneti» aqparattyq servısi paıdalanýshylarynyń usynystaryn eskere otyryp, jańa fýnktsıonal jáne jetildirilgen qurylym kórneki kórsetildi.
Mysaly, jańartylǵan «Sot isin júrgizý» qyzmet kórsetýi azamattyq, qylmystyq jáne ákimshilik sot isin júrgizý quqyǵy salalary boıynsha bólikterdi qamtyǵan, ol tájirıbesi joq paıdalanýshyǵa zańdyq keńes almaı-aq servısti paıdalaný múmkindigin usynady. Quqyqtyń árbir salasynda tıisti elektrondyq qyzmet kórsetýler bar.
«Meniń isterim» degen bólimde paıdalanýshy jibergen elektrondyq aryzdar týraly aqparatty qaraý jáne isti qaraý barysynyń múmkindigi jeńildetilgen. Paıdalanýshylarǵa yńǵaıly bolý úshin endi birinshi, apellıatsııalyq jáne kassatsııalyq satylardaǵy aqparatty qaraý jáne isti qaraý barysy bir jerde iske asyrylǵan, paıdalanýshy tıisti siltemeni basa otyryp, barlyq satydaǵy óz isiniń qozǵalysynyń tutas protsesin qaraı alady.
Qazaqstan Respýblıkasynyń sot júıesine zamanaýı elektrondyq tehnologııalardy engizý halyqtyń sot tóreligine qoljetimdilik deńgeıin eleýli túrde kóterýge múmkindik berdi.
«Sot kabıneti» servısi birtindep qaǵaz qujat aınalymynan bas tartýǵa, ol óz kezeginde sottarda elektrondyq sot isin júrgizýdiń jańa satysyna kóshýge múmkindik beredi.
Qazaqstan Respýblıkasynyń Joǵarǵy Soty qol jetkizgen jetistiktermen toqtap qalmaıdy jáne sot isin júrgizý protsesin ońtaılandyrý men avtomattandyrý boıynsha izdenisti jalǵastyra bermek.
