«Sot kabıneti» arqyly almatylyqtar qala sotyna 64 305 qujat tapsyrdy
Almaty qalalyq sotynda «100 naqty qadam» Ult josparynyń «Zańnyń ústemdik qurýy» reformasyn júzege asyrýǵa arnalǵan «Aqparattyq servısterdi tanystyrý» taqyrybynda baspasóz týry ótti.
«100 naqty qadam» Ult josparynyń 20-qadamyna sáıkes, barlyq sot protsesterin mindetti túrde aýdıo jáne vıdeotirkeýdi engizý qarastyrylǵan. Sýdıaǵa jazbany toqtatýǵa nemese aýdıo-vıdeotirkeý materıaldaryn redaktsııalaýǵa tyıym salynady.
«Búginde Respýblıkadaǵy, sonyń ishinde Almaty qalasyndaǵy barlyq sot otyrystarynyń zaly aýdıo-vıdeotirkeý qurylǵylarymen 100% jabdyqtalǵan. Atalǵan jumys qysqa merzimde iske asyryldy», - dedi Almaty qalalyq sotynyń tóraǵasy Aqjan Eshtaı. Ol Joǵarǵy sottyń sot júıesi aldyndaǵy mindetterin eskere kele, sottarda aqparattyq tehnologııalardy paıdalanýdy keńeıtý, sot óndirisin ońtaılandyrý, ádil sottyń ashyqtyǵyn, ádildigin jáne qoljetimdiligin kóterý boıynsha júıeli sharalar qabyldanǵanyn aıtyp, onda «Sot kabıneti» servısiniń mańyzdy oryn alatynyn atap ótti.
Ol atalǵan servıstiń qoldanýshylarǵa úıden nemese keńseden shyqpaı-aq, talap aryz, shaǵym, úndeý, qarsy shaǵym jazýǵa, memlekettik baj salyǵyn tóleýge múmkindik beredi. 2016 jyldyń 10 aıynda «sot kabıneti» arqyly qala sotyna 64 305 qujat berilgen, onyń 61 354-i qarsy shaǵym.
Sondaı-aq, QR Ádilet mınıstrligi atqarý óndirisi organdarynyń avtomattanǵan aqparattyq júıesi bar sot organdarynyń aqparattyq júıesin ıntegratsııalaý iske qosyldy.
«QR Іshki ister mınıstrligi Qylmystyq-atqarý júıesi komıtetimen birge beıne-konferentsııalyq baılanys arqyly qashyqtyqtan úkim shyǵarý múmkindigi jetildirip jatyr.
Atalǵan is qaraý júıesin endirý túzeý júıesiniń organdaryn sottalýshyny qaraýylmen alyp júrý áleginen bosatady, al sottalýshy abaqtydan tikeleı beıne-konferentsııalyq baılanys arqyly túsinikteme bere alady. Taraptar da protseske qashyqtyqtan qatysa alady», - dedi Aqjan Eshtaı.
