Sot Greenpeace uıymyn qubyr tasymaldaý kompanııasyna 660 mln dollardan astam ótemaqy tóleýge mindettedi

ASTANA. KAZINFORM —  Ekologııalyq uıymnyń málimdeýinshe, onyń narazylyq qozǵalysyna qatysýyna baılanysty sot isi AQSh-taǵy qyzmetiniń toqtaýyna ákelýi múmkin, dep habarlaıdy The New York Times.

Сот Greenpeace ұйымын құбыр тасымалдау компаниясына 660 млн доллардан астам өтемақы төлеуге міндеттеді
Фото: greenpeace.org

Soltústik Dakotanyń Morton okrýginiń alqabıler soty Tehastyń «Energy Transfer» qubyr tasymaldaý kompanııasyna 660 mıllıon dollardan astam ótemaqy tóleý týraly sheshim shyǵardy. Kompanııa Greenpeace-ti «Dakota Access» qubyryna qarsy ótken narazylyqtardaǵy róli úshin sotqa bergen. Bul narazylyqtar shamamen on jyl buryn ótken edi.

Bul sheshim ekologııalyq uıym úshin aýyr soqqy boldy. Greenpeace málimdemesinde, «Energy Transfer» talap etip otyrǵan ótemaqy uıymnyń AQSh-taǵy qyzmetin toqtatýǵa ákelýi múmkin ekenin aıtty.

Greenpeace apellıatsııaǵa beretinin málimdedi, sebebi uıym bul narazylyqtarǵa shamaly deńgeıde qatysqanyn jáne olardyń negizgi uıymdastyrýshysy Soltústik jáne Ońtústik Dakota aýmaǵynda ornalasqan «Standing Rock Sioux» úndisteriniń taıpasy bolǵanyn alǵa tartty.

Іs boıynsha Greenpeace-tiń úsh uıymy: «Greenpeace Inc.», «Greenpeace Fund» jáne «Greenpeace International» aıyptaldy. Olardy qubyr qurylysynyń keshigýine, shyǵyndardyń ósýine jáne «Energy Transfer» bedeline nuqsan keltirýge sebep bolǵan narazylyqtardy qarjylandyrdy dep aıyptady.

«Energy Transfer» — AQSh-taǵy eń iri qubyr tasymaldaý kompanııalarynyń biri. 2016 jáne 2017 jyldary «Dakota Access Pipeline» qubyrynyń qurylysyna qarsy narazylyqtar búkil eldiń nazaryn aýdardy.

Narazylyq bildirýshiler men ekologııa qorǵaýshylary «Standing Rock Sioux» rezervatsııasynda jınalyp, qubyrdyń qasıetti jerler arqyly ótetinin jáne jergilikti sý kózderin lastaý qaýpi bar ekenin málimdedi. Úndister taıpasy jobany toqtatý úshin sotqa júgingen bolatyn.

Buǵan deıin Greenpeace Nıderlandqa qarsy sotta jeńiske jetkeni habarlanǵan edi.

Сейчас читают