Sot Frantsııanyń burynǵy prezıdenti Sarkozıdi túrmeden bosatty

ASTANA. KAZINFORM — Búgin Frantsııanyń Apellıatsııalyq soty Frantsııanyń burynǵy prezıdenti Nıkolıa Sarkozıdiń isi boıynsha óz sheshimin shyǵardy, dep habarlaıdy Kazinform agenttiginiń menshikti tilshisi.

Ol túrmeden bosatyldy. Alaıda, bul onyń jazasyn ózgertpeıdi: sot sheshimimen Sarkozı qazir sot baqylaýynda. Oǵan elden shyǵýǵa, is boıynsha kýágerlermen nemese ádilet mınıstrimen baılanysýǵa tyıym salynady.

Osylaısha, burynǵy prezıdent 21 kún túrmede otyrdy. Endi ol jazasyna Apellıatsııalyq sotta shaǵymdanýdy josparlap otyr. Kezekti sot 2026 jyldyń naýryz aıynda qaıta bastalady.

2007 jyldan 2012 jylǵa deıin qyzmet etken 70 jastaǵy Frantsııanyń burynǵy prezıdenti 25 qyrkúıekte Lıvııadaǵy saılaý naýqanyn qarjylandyrý isindegi qylmystyq topqa qatysy bar dep tanyldy, biraq memlekettik qarajatty jymqyrýdy jasyrý jáne passıvti sybaılas jemqorlyq aıyptarynan aqtalyp shyqty.

Alaıda, sot 2007 jylǵy saılaý naýqanyn zańsyz qarjylandyrýdyń eshqandaı dálelin tappady. Sarkozı bes jylǵa bas bostandyǵynan aıyryldy. 21 qazanda ol Parıjdiń 14-shi aýdanyndaǵy La-Sante túrmesinde jalǵyz adamdyq kamerada jazasyn óteı bastady.

Buǵan deıin Frantsııanyń eks-prezıdenti Nıkolıa Sarkozı túrmede arnaıy kúzetke alynǵanyn habarlaǵan edik.