Sot Ernar Jıembaıdy 9 jylǵa bas bostandyǵynan aıyrdy
ShYMKENT. KAZINFORM — Qylmystyq ister jónindegi aýdanaralyq sotta Shymkent qalasy ákiminiń orynbasary Rýslan Berdenovke qastandyq jasaýǵa qatysty rezonanstyq is boıynsha úkim shyǵaryldy.
Sot úkimimen Ernar Jıembaı 9 jylǵa bas bostandyǵynan aıryldy. Úkim zańdy kúshine engen joq jáne oǵan shaǵymdanýǵa bolady.
Eske sala keteıik, 21 sáýir kúni Rýslan Berdenov qalalyq ákimdik ǵımaratynyń janynda jaraqat alǵan edi. Keıin Rýslan Berdenovke jasalǵan qastandyq týraly is sotqa joldanǵanyn jazǵan bolatynbyz.
21 sáýirde Shymkent ákiminiń orynbasary Rýslan Berdenovke qastandyq jasalǵany málim bolǵan. Ol jaraqat alyp, aýrýhanaǵa tústi.
Rýslan Berdenov aqpan aıynyń sońynda Shymkent qalasy ákiminiń orynbasary qyzmetine taǵaıyndalǵan.
