Sot Erasyl Áýbákirovtiń ólimine qatysty ustalǵandardy qamaýǵa alý merzimin uzartty
ASTANA. QazAqparat - Sot Erasyl Áýbákirovtiń ólimine qatysty is boıynsha ustalǵan kúdiktilerdiń qamaýǵa alý merzimin uzartty, dep habarlady Astana qalalyq sotynyń baspasóz qyzmetinen.
«Astana qalasynyń №2 aýdandyq soty medıtsınalyq ýnıversıtettiń stýdenti E.Áýbakirovtiń ólimine qatysty qylmystyq is boıynsha kúdiktiler: N.Ájimbaı, A.Tıhonenko, V.Sherstenevti qamaýda ustaý merzimin 4 aıǵa uzartty», -delingen habarlamada.
Eske sala keteıik, ustalǵandar QR QK-niń 99-babynyń 2-bóliginiń 7 tarmaǵynda (aldyn ala sóz baılasý arqyly adamdar toby jasaǵan adam óltirý) kózdelgen qylmysty jasaǵany úshin tutqyndaldy.
