Sot «EKSPO-2017» UQ» AQ isi boıynsha prokýrormen protsestik kelisim jasaǵan 12 tulǵaǵa qatysty úkim shyǵardy

 2016 jylǵy 27 mamyrdaǵy sot otyrysy barysynda olarǵa qatysty qylmystyq is kelisimdik is júrgizýde qaraý úshin jeke óndiriske bólingen bolatyn, dep habarlady Astana qalalyq sotynyń baspasóz qyzmetinen.

Qazaqstan Respýblıkasy Qylmystyq is júrgizý kodeksiniń 612 baby tártibimen barlyq 12 aıyptalýshy kináni moıyndaý týraly prokýrormen mámile nysanynda protsestik kelisim jasasty. Atalǵan aıyptalýshylar taǵylǵan aıyp boıynsha kinálaryn tolyq moıyndady. Olar buryn sottalmaǵan,  jasaǵan is-áreketterine ókingen jáne keltirilgen zalaldyń ornyn toltyrǵan. Budan bólek, olar qylmystardy ashýǵa belsendi kómek kórsetip,  qylmystyq árekettiń basqa da sybaılastaryn áshkereleýge yqpal etken. Protsestik kelisimderde olardyń bul qylmystyń iste «EKSPO-2017» UK» AQ-dan jábirlenýshi tarap retinde  kelisimge kelgendigi baıandalǵan. 

Qoldanystaǵy zańnamaǵa sáıkes, protsestik kelisimdi jasaý barysynda  mindetti túrde kúdikti (aıyptalýshy) tarapynan aıyptaýǵa jáne is boıynsha qylmysty jasaǵanyna qolda bar dáleldemelerge, ózi keltirgen zııannyń sıpaty men mólsherine daýlaspaýy, jábirlenýshiniń kelisýi eskeriledi. Bul zańnyń normasy 2015 jyldyń 1 qańtarynan bastap qoldanysta.

Kelisimdik óndiristegi qylmystyq isti qaraý nátıjesinde barlyq aıyptalýshylar  ózderine taǵylǵan aıyp boıynsha kináli dep tanyldy jáne protsestik kelisim tártibimen ártúrli jazalaý sharasymen sottaldy.

Q.Úsenov QR QK-niń 307 babynyń 1 bóligi (qyzmet ókilettigin teris paıdalaný, 1997 jylǵy 16 shildedegi redaktsııa), 28 baptyń 5-bóligi  189 babynyń 4-bóliginiń 2 tarmaǵy (senip tapsyrǵan asa iri kólemdegi bóten múlikti ıemdenip alýǵa járdemdesý) boıynsha kináli dep tanyldy. Oǵan qylmystardyń jıyntyǵy boıynsha QR QK-niń 58 babynyń 3-bóligin qoldana otyryp,  2 jyl merzimge bas bostandyǵynan aıyrý túrindegi jazany jalpy tártiptegi túzeý kolonııasynda óteý taǵaıyndaldy.   Úıqamaqta ustaý túrindegi bultartpaý sharasy kúzetpen ustaýǵa almastyrylyp, ol sot otyrysy zalynda qamaýǵa alyndy. Sot Qazaqstan Respýblıkasy Prezıdentine   Q.Úsenovti «Qurmet» ordeni memlekettik marapatynan  aıyrý týraly usynys jasady.

M.Shormanov, A.Tlekmetov QR QK-niń  189 babynyń 4-bóligi 2-tarmaǵy boıynsha (senip tapsyrǵan asa iri kólemdegi bóten múlikti qylmystyq toppen ıemdenip alý nemese jymqyrý) kináli dep tanyldy. Olardyń árqaısyna 2 jyl 6 aı merzimge bas bostandyǵanan aıyrý túrindegi jazany jalpy tártiptegi túzeý kolonııasynda óteý taǵaıyndaldy.

N.Aqpambetov, S. Seıtov, R.Aqylbaev, S. Sardarbekov, S.Naızabekov, T.Saǵyndykov,  E.Tleýov, S.Ilın  QR QK-niń 28 babynyń 5-bóligi  189 babynyń 4-bóliginiń 2-tarmaǵy boıynsha (senip tapsyrǵan asa iri kólemdegi bóten múlikti ıemdenip alýǵa járdemdesý) «EKSPO-2017» UK» AQ-nyń aqshalaı qarajattaryn jymqyrýǵa járdemdeskenderi úshin  kináli dep tanyldy.

S.Seıtovke 5 jylǵa bas bostandyǵyn shekteý túrindegi jaza taǵaıyndaldy.

N. Aqpambetovke  4 jylǵa bas bostandyǵyn shekteý túrindegi jaza berildi.

R.Aqylbaevqa 1 jyl 6 aı merzimge bas bostandyǵynan aıyrý túrindegi jazany jalpy tártiptegi túzeý kolonııasynda óteý belgilendi.

S.Sardarbekovke, S.Naızabekovke, T.Saǵyndyqovqa, E.Tleýovke  árqaısyna 10 000 AEK mólsherinde (19 820 000 teńge) aıyppul túrindegi jaza taǵaıyndaldy.

S.Ilınge 3 jyl merzimge bas bostandyǵynan aıyrý túrindegi jazany jalpy tártiptegi túzeý kolonııasynda óteý belgilendi.

V.Pıagaı QR QK-niń 28 babynyń 5-bóligi  176 babynyń 4-bóliginiń «b» tarmaǵy boıynsha (senip tapsyrǵan bóten múlikti ıemdenip alý nemese jymqyrýǵa járdemdesý, 1997 jylǵy 16 shildedegi redaktsııa) kináli dep tanyldy. Oǵan memlekettik organdar men kommertsııalyq uıymdarda basshy qyzmetin atqarý quqyǵynan 2 jyl merzimge  aıyra otyryp,  shartty túrde 3 jylǵa bas bostandyǵynan aıyrý túrindegi jaza taǵaıyndaldy. Oǵan qatysty probatsııalyq baqylaý bekitildi.

V.Pıagaıdan bólek barlyq 11 sottalǵanǵa qatysty sot zańymen qarastyrylǵan, qylmystyq jolmen tabylǵan nemese qylmystyq jolmen tabylǵan qarajattarǵa alynǵan múlkin tárkileý, memlekettik organdarmen kommertsııalyq uıymdarda basshy qyzmetin atqarý quqyǵynan aıyrý túrindegi  qosymsha jaza sharasy  qoldanyldy. Bas bostandyǵynan aıyrýǵa sottalǵan tulǵalar sot zalynda qamaýǵa alyndy.

Eskerte ketsek, qylmystyq is boıynsha 23 sottalýshy bar. Olar qylmystyq árekettiń bes epızody boıynsha aıyptalýda.  Sot talqylaýy 2016 jylǵy 4 sáýirde bastalyp, eki aı merzimde qaraldy. 

Іs boıynsha qalǵan 11 sottalýshyǵa, onyń ishinde ulttyq kompanııanyń («EKSPO-2017») eks-basshysy T.Ermegııavke qatysty  úkimniń  jarııalanýy   Astana qalasy qylmystyq ister jónindegi mamandandyrylǵan aýdanaralyq sotynda 2016 jylǵy 9 maýsymda saǵat 16.00-ge josparlanǵan.