Sot eks-gýbernatordyń túrmede úılenýine ruqsat etti
ASTANA. QazAqparat - Máskeýdegi Presnenskıı aýdanynyń soty Kırov oblysynyń burynǵy gýbernatory Nıkıta Belyh pen onyń qalyńdyǵy Ekaterına Reıferttiń tergeý oqshaýlaǵyshynda nekesin qııýǵa ruqsat etti.
Bul týraly onyń advokaty Marına ıArosh aıtty, dep habarlaıdy «Interfaks».
«Sýdıa kýá retinde jaýap alýdan soń, 5 qyrkúıekte Ekaterınaǵa Nıkıta Belyhpen tergeý oqshaýlaǵyshynda kezdesip, nekege turýyna múmkindik beredi»,- dedi ıArosh.
Onyń sózine qaraǵanda, «bul búgingi eń jaqsy jańalyq».
Budan buryn Belyhty tutqyndaýdyń jarty jylǵa sozylǵandyǵy habarlanǵan bolatyn.
2016 jylǵy qarashada Belyh tegeý oqshaýlaǵyshynda jatyp, óziniń úılenýge nıeti bar ekendigin málim etken edi.
