Sot eks-bankır Ertaevtyń bostandyqqa shyǵýyna qatysty túsinik berdi

ALMATY. KAZINFORM – 2025 jylǵy 2 qyrkúıekte Almaty oblysy Alataý soty Jomart Ertaevtyń raqymshylyq aktisin qoldaný týraly ótinishin qarady.

Sottyń málimetinshe, Ertaev 2020 jyly Almatynyń Almaly aýdandyq sotynyń úkimimen QR QK-niń birneshe baptary boıynsha aýyr qylmystar jasaǵany úshin sottalǵan. Ol 2018 jylǵy qarashadan beri qamaýda bolyp, 8 jyl 3 aı 14 kún jazasyn ótedi. Ótelmegen merzimi – 11 aı 16 kún.

Mekeme Ertaevtyń minez-qulqyna «birinshi oń dárejeni» belgilegen.

23 maýsymda qabyldanǵan «Raqymshylyq týraly» zańǵa sáıkes, aýyr jáne asa aýyr qylmystar úshin sottalǵandar eger ótelmegen merzimi bir jyldan az bolsa jáne teris minez-qulqy bolmasa, jazanyń ótelmegen bóliginen bosatylady.

Osy negizde sot Jomart Ertaevtyń ótinishin qanaǵattandyryp, ony negizgi jazasynyń ótelmegen bóligi – 11 aı 16 kúnnen bosatty.

Alaıda sot qaýlysy ázirge zańdy kúshine engen joq.

Aıta keteıik, 2020 jyly RBK Bank-ten 144 mıllıard teńge jymqyrǵany úshin sottalǵan belgili bankır Jomart Ertaev jalpy rejımdegi kolonııadan bosatyldy.

Keıinirek Іshki ister mınıstri Erjan Sádenov eks-bankır Jomart Ertaevtyń raqymshylyqqa iligýine qatysty pikir bildirdi.