Sot Densaýlyq saqtaý mınıstrin qamaýǵa alý týraly qarjy polıtsııasynyń usynysyn, mınıstrdiń densaýlyǵynyń nasharlaýyna baılanysty qabyldamady
ASTANA. Qyrkúıektiń 29-y. QazAqparat /Damır Baımanov/ - Astana qalasynyń Saryarqa aýdandyq soty Densaýlyq saqtaý mınıstri Jaqsylyq Dosqalıevty qamaýǵa alý týraly Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) usynysyn, mınıstrdiń densaýlyǵynyń nasharlaýyna baılanysty qabyldamady.
QazAqparat tilshisine bul týraly Astana prokýratýrasynyń baspasóz hatshysy Darıǵa Mýsına habarlady.
«Prokýratýraǵa usynys (qarjy polıtsııasynan -agenttiktiń túsiniktemesi) kelip tústi. Keshe ony Saryarqa aýdandyq soty qarady. Mınıstrdiń densaýlyq jaǵdaıyna baılanysty usynys keri qaıtaryldy», dedi D.Mýsına. Ol sondaı-aq, qylmystyq is boıynsha tekserýdiń jalǵasyp jatqanyn atap kórsetti.
Esterińizge sala keteıik, qyrkúıektiń 21-inde qarjy polıtsııasy Jaqsylyq Dosqalıevtiń ústinen qylmystyq is qozǵap, ony laýazymdyq ókilettigin asyra paıdalandy dep aıyptaǵan bolatyn. BAQ ókilderiniń habarlaýynsha, senbi, qyrkúıektiń 25-inde qarjy polıtsııasynda jaýap alý kezinde mınıstr ınsýltke ushyrap, kelesi kúni Ulttyq ǵylymı medıtsınalyq ortalyqqa koma jaǵdaıynda jetkizilgen.
