Sot dáriger ıÝrıı Shýmkovtyń ólimine qatysty istiń egjeı-tegjeıin jarııalady
ALMATY. QazAqparat - Almatynyń qylmystyq ister jónindegi mamandandyrylǵan aýdanaralyq soty gastroenterolog ıÝrıı Shýmkovty óltirdi degen aıyptalýshyǵa qatysty istiń egjeı-tegjeıin jarııalady, dep habarlaıdy QazAqparat tilshisi.
Qalalyq sottyń baspasóz qyzmetiniń habarlaýynsha, úkim jarııalanǵannan keıin sotta qylmystyq istiń mán-jaıy tanystyryldy.
«Sottalýshy gastroenterolog Shýmkovqa medıtsınalyq kómekke júgingen, tekserýden keıin ol óziniń densaýlyǵy nasharlady dep oılap, dárigerdi óltirmek bolǵan. Ol úshin ol dosynyń ańshy myltyǵyn urlap alyp, avtoturaqta dárigerdi kútken. ıÝrıı Shýmkov kólikke otyrǵan kezde sottalýshy aldyna kelip, ony atyp tastaǵan. Sodan keıin K.-nyń basqarýyndaǵy kólikke otyryp, ony óltiremin dep qorqytyp, ony Almaty qalasynyń shaǵyn aýdandarynyń birine aparýǵa májbúrlegen. Ony polıtseıler baıqap qalǵan. Ustaý kezinde T. qarsylyq kórsetip, myltyqtyń dúmimen polıtsııa qyzmetkerleriniń biriniń basynan urǵan»,- delingen qalalyq sotynyń baspasóz qyzmeti taratqan habarlamada.
Sotta prokýror taǵylǵan aıypty tolyǵymen qoldap, T.-ǵa 20 jylǵa bas bostandyǵynan aıyrýdy surady.
Sottalýshy T. kisi óltirgenin moıyndady.
Sot úkimimen T. adam óltirý, urlyq jasaý jáne zańsyz qarý saqtaý, óltiremin dep qorqytý jáne bılik ókiline kúsh qoldaný boıynsha kináli dep tanylyp, 18 jylǵa bas bostandyǵynan aıyryldy.
«Sot sottalýshynyń kinásin ishinara moıyndaǵanyn, ári onyń qaraýynda eki kishkentaı balasynyń bolýy jazany jeńildetetin mán-jaılar dep tanydy. Sondaı-aq, sot jazany aýyrlatatyn mán-jaılardy anyqtaǵan joq. Úkim zańdy kúshine engen joq»,- dep atap ótti vedomstvonyń baspasóz qyzmetinen.
Buǵan deıin sottalýshy dáriger ıÝrıı Shýmkovtyń týystarynan keshirim suraǵan edi.
Eske salaıyq, byltyr 4 sáýir kúni Almatyda dáriger emdelýshi patsıentiniń qolynan qaza tapty. Ony kúdikti ańshy myltyǵymen atyp tastaǵan.
