Sot blogerler Erbolat Janabylov pen Elmıra Tólegenovaǵa qatysty sheshimdi ózgerissiz qaldyrdy

ASTANA. KAZINFORM – Elordanyń soty 11 avtokólikti utysqa qoıyp, kýrs satqan blogerler Erbolat Janabylov pen Elmıra Tólegenovanyń ústinen qozǵalǵan iske qatysty appelıatsııalyq sheshim shyǵardy. 

Aıta keteıik, sýdıa Janna Nurǵalıeva bloger Erbolat Janabylov pen Elmıra Tólegenovaǵa qatysty bólek sheshim shyǵardy.

Erbolat Janabylovtyń ústinen qozǵalǵan is boıynsha:

- Birinshi satydaǵy sotta anyqtalǵan is mán-jaıyn, sot otyrysy barysynda keltirilgen ýájderdi eskere otyryp, sot usynylǵan derekterdiń kúshinde qaldyrylýy tıis degen pikirge keldi. Ákimshilik is materıaldaryndaǵy keıbir mán-jaı qosymsha anyqtaýdy jáne naqtylaýdy qajet etedi. Erbolat Janabylov ótkizgen is-sharada lotereıanyń belgisi bar. Odan bólek, utys oıynyna qatysý quny men qatysýshylardyń sany jóninde naqty derekter joq, - dedi sheshimdi shyǵara turyp Janna Nurǵalıeva.

Sondaı-aq Elmıra Tólegenovanyń ústinen qozǵalǵan is boıynsha sot sheshimi ózgerissiz, kúshinde qaldy. Osylaısha, qos blogerdiń sotqa túsirgen appelıatsııalyq shaǵymy qanaǵattandyrylmady.

Eske sala ketsek, jelide birneshe avtokólik utysyn jarııalaǵan qazaqstandyq blogerler Erbolat Janabylov pen Elmıra Tólegenova áreketin Týrızm jáne sport mınıstrligi nazaryna aldy. Keıin is sotqa jetken edi. 

Sondaı-aq Týrızm jáne sport mınıstrligi Oıyn bıznesin jáne lotereıany retteý komıtetiniń ókilderi bloger Erbolat Janabylov jarııalaǵan kýrs baǵasy negizsiz qymbat ekenin málimdedi. 

5 qyrkúıekte Astanada bloger Erbolat Janabylovqa qatysty alǵashqy sot otyrysy ótti. 

Sot barysynda bloger Erbolat Janabylovtyń advokaty sýdıadan isti toqtatýdy surady. 

Atalǵan jaıtqa qatysty Týrızm jáne sport mınıstri Erbol Myrzabosynov jeke túsinik berdi.