Sot «Bek Eır» kompanııasynan jolaýshylarǵa bılet qunyn qaıtarýdy talap etti
ALMATY. QazAqparat - Sot tutynýshylar quqyǵyn qorǵaý komıtetiniń «Bek Eır» AQ-na qatysty ekinshi talabyn qanaǵattandyrdy, dep habarlaıdy QazAqparat komıtettiń baspasóz qyzmetine silteme jasap.
Búgin, 24 shildede Almaty qalasynyń Túrksib aýdandyq soty Tutynýshylar quqyǵyn qorǵaý komıtetiniń «Bek Eır» AQ áýekompanııasyna qatysty ekinshi talap-aryzyn qanaǵattandyrdy. Komıtet atalmysh kompanııadan jasalmaǵan reıster úshin jolaýshylarǵa bılet qunyn qaıtarýdy talap etken bolatyn.
Komıtet 81 adamnyń múddesin qorǵap (satyp alynǵan 177 bılet), sotqa shaǵym túsirgen. Talap-aryz 5,9 mln teńgeni qurady.
Eske sala keteıik, sotqa ekinshi talap-aryz 2020 jylǵy 3 shildede berilgen.
Komıtettiń talaby mynadaı:
1. «Bek Eır» AQ qyzmetin tutynýshylardyń kinásinsiz joıylǵan avıareısterge buryn satyp alynǵan bıletterdiń tolyq qunyn óteý quqyǵyn taný.
2. Jaýapkerdi tutynýshynyń kinásinsiz joıylǵan avıareısterge satyp alynǵan bıletterdiń tolyq qunyn óteýge májbúrleý.
3. «Bek Eır» AQ-nan tutynýshylar paıdasyna avıabılet úshin tólengen somany óndirip alý.
Sot sheshimi zańdy kúshine engennen keıin komıtet tutynýshylarǵa aqshany tez arada qaıtarýǵa járdemdesedi.
