Sot balalar úıi tárbıelenýshisiniń turǵyn úı qorynan páter alý quqyǵyn qalpyna keltirdi
ASTANA. QazAqparat - Pavlodar qalalyq soty azamat S-nyń «Pavlodar qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi» MM-ne, Pavlodar qalasynyń ákimine jáne Pavlodar qalasynyń jergilikti atqarý organynyń turǵyn úı komıssııasyna turǵyn úı komıssııasynyń sheshimin zańsyz dep taný týraly talap aryzy boıynsha azamattyq is qarady.
2009 jylǵy 27 qazandaǵy qalalyq turǵyn úı komıssııasynyń sheshimimen talapker 23 jasqa tolýyna baılanysty esepten alynyp tastalǵan. Іs materıaldary boıynsha talapker 2002 jyldan bastap №1 tizimimen jetimder sanaty boıynsha tirkeýde turǵan. Talapker jetimder úıiniń tárbıelenýshisi, turǵyn úıdi esepten alǵannan keıin de jáne sot talqylaýy barysynda da almaǵan. Shaǵymdalǵan sheshim Turǵyn úı zańnamasynyń talaptaryna sáıkes kelmeıdi, sebebi talapkerdi esepten alyp tastaýǵa bolmaıdy. Óıtkeni, jetim balalar men ata-ananyń qamqorlyǵynsyz qalǵan balalar páter alǵansha kezekte turady.
Sot sheshimi boıynsha 2009 jylǵy 27 qazandaǵy Pavlodar qalalyq jergilikti atqarý organynyń qalalyq turǵyn úı kommısııasynyń sheshimi talapkerdi jeke turǵyn úı qorynda jergilikti atqarý organymen jalǵa alynǵan turǵyn úı nemese memlekettik turǵyn úı qorynan turǵyn úıge muqtaj azamat retinde tirkeýden alyp tastaý týraly sheshimi zańsyz dep tanylyp, kúshi joıyldy.
Sot, Pavlodar qalasynyń jergilikti atqarý organynyń qalalyq turǵyn úı komıssııasyn, «Pavlodar qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bólim» MM-in azamat S-nyń zańmen qorǵalǵan quqyǵyn, bostandyǵy men zańdy múddesin tolyq kólemde qalpyna keltirýdi mindettedi.
Sonymen qatar, sot tarapynan Pavlodar qalasy ákimdiginiń atyna atalǵan is boıynsha budan ári uqsas jaǵdaılarǵa jol bermeýge jáne zańdylyqtyń buzylý faktisin joıý týraly jeke uıǵarym shyǵaryldy. Sot sheshimi men uıǵarym zańdy kúshine endi.
