Sot «Azamattarǵa arnalǵan úkimet» tóraǵasy burynǵy orynbasarynyń qamaýda ustaý merzimin uzartty
ASTANA. QazAqparat - «Azamattarǵa arnalǵan úkimet» memlekettik korporatsııasy» UAQ basqarma tóraǵasynyń burynǵy orynbasary Rashıd Amanjolovtyń qamaýda ustaý merzimi 20 qyrkúıekke deıin uzartyldy, dep habarlaıdy «QazAqparat» HAA tilshisi.
«1 shilde kúni №2 Esil aýdandyq soty Amanjolov Rashıd Májıtulynyń qamaýda ustaý merzimin 2017 jyldyń 20 qyrkúıegine deıin uzartý týraly úkim shyǵardy», - dep habarlady qalalyq sottyń baspasóz hatshysy Botagóz Baıanova.
Eske salaıyq, «Azamattarǵa arnalǵan úkimet» memlekettik korporatsııasy» UAQ basqarma tóraǵasynyń burynǵy orynbasary Rashıd Amanjolov bıyl sáýir aıynyń sońynda qamaýǵa alynǵan edi. Ulttyq qaýipsizdik komıteti ony QR QK 67-baby 4-tarmaǵy «Asa iri kólemde para berý» boıynsha aıyptaýda.
