Sot aýyldasyn pyshaqtaǵan qostanaılyqtyń jazasyn jeńildetti
QOSTANAI. QazAqparat - Qostanaı oblysynyń Qostanaı aýdandyq sotynda aýyldasyn pyshaqtaǵan azamatqa qatysty qylmystyq is qaraldy, dep habarlaıdy QazAqparat oblystyq sottyń baspasóz qyzmetine silteme jasap.
Іs derekterinde kórsetilgendeı, ústimizdegi jyldyń naýryz aıynda Sadchıkov aýylynyń turǵyny B. mas kúıinde óz úıiniń kireberisinde turyp, aýyldasy T.-ǵa pyshaq salǵan.
«Sottalýshy B. jábirlenýshiniń ish qýysyn jaralap, ómirine aıtarlyqtaı zııan keltirdi. Ol sot otyrysynda kinásin tolyqtaı moıyndap, isine ókinetinin jetkizdi. Sot onyń kámelettik jasqa tolmaǵan balasynyń baryn eskerip, jazasyn jeńildetti. QR QK 106-baby, 1-tarmaǵy boıynsha aıypty dep tanylyp, 3 jylǵa bas bostandyǵynan aıyrý jazasy taǵaıyndaldy», - delingen oblystyq sottyń baspasóz habarlamasynda.
Sot úkimi zańdy kúshine engen joq.
