Sot aýyl sharýashylyǵy vıtse-mınıstrin qamaýǵa alýdy sanktsııalady
ASTANA. 26 jeltoqsan. QazAqparat - Aǵymdaǵy jylǵy 24 jeltoqsanda Astana qalasynyń Almaty aýdandyq №2 soty qylmystyq is boıynsha berilgen materıaldardyń negizinde Qazaqstan Respýblıkasy Aýyl sharýashylyǵy mınıstrliginiń vıtse-mınıstri M. Ómirııaevti qamaýǵa alý bultartaý sharasyn sanktsııalady. Bul týraly Qarjy polıtsııasy baspasóz qyzmeti habarlap otyr.
Esterińizge sala keteıik, M. Ómirııaev memlekettik satyp alýlar konkýrsynda jeńimpaz ataný úshin kásipkerden 100 myń AQSh dollary somasynda para aldy dep aıyptalýda.
Ómirııaevti Qarjy polıtsııasy agenttiginiń qyzmetkerleri 21 jeltoqsanda óz páterinde para alǵannan keıin ustady.
Qylmystyq is tergelýde, ózge aqparat tergeý múddesine baılanysty jarııalanbaıdy.
