Sot Astananyń Onkologııalyq ortalyǵynan 300 mln teńge óndirip aldy
ASTANA. QazAqparat - 2015 jyly «Onkologııalyq ortalyq» ShJQ MQK men «SK-Farmatsııa» JShS arasynda dárilik zattar men medıtsınalyq maqsattaǵy buıymdardy satyp alý kelisimshartyn jasasqan.
«SK-Farmatsııa» JShS kelisimshart boıynsha ózine júktelgen mindettemelerdi oryndaǵan. Al Astana qalasynyń Onkologııalyq ortalyǵy jetkizilgen ónimderdiń bir bóliginiń aqysyn tólemeı, kelisimshart talabynyń buzylýyna jol bergen, dep habarlaıdy QazAqparat elorda sotynyń baspasóz qyzmetine silteme jasap.
Іs materıalyn zerdelegen Astana mamandandyrylǵan aýdanaralyq ekonomıkalyq soty «SK-Farmatsııa» JShS-nyń paıdasyna 319 197 670 teńge kólemindegi bereshek somasyn óndirip alýdy úkim etti.
Astana qalasy sotynyń azamatty ister jónindegi apellıatsııalyq sot alqasynyń qaýlysymen birinshi satydaǵy sheshim ózgerissiz qaldy.
Sheshim zańdy kúshine endi.
