SOT: Astanada KFC kompanııasynan 5 mln. teńge bopsalamaq bolǵan iske qatysty alǵashqy tyńdaý ótedi
ASTANA. QazAqparat - QR ІІM ónimderdiń búlingeni jaıly jalǵan aqparat taratyp, KFC kompanııasyn bopsalaýǵa tyrysqan adamdy ustaýǵa jáne jaýapkershilikke tartýǵa járdemdesti. Bul týraly kompanııadan habarlady.
2014 jylǵy qazanda Qazaqstan Respýblıkasynyń aýmaǵynda «KFC» saýda belgisiniń ıegeri «Caspian International Restaurants Company» (CIRC) kompanııasynyń atyna elektrondyq túrde búrkenshik hat tústi, onda eger kompanııa 5 000 000 teńge kóleminde «ótemaqy» tólemese, «KFC» óniminde qurt bar ekendigi týraly aqparatty taratyp jiberetini jaıly aıtyp, bopsalaǵan.
Hatty alyp kompanııa basshylyǵy QR ІІM-ge atalǵan fakti boıynsha shara qabyldaý shaǵymymen júginedi.
ІІM qyzmetkerleri jedel-izdestirý sharalaryn júrgizgennen keıin 2014 jylǵy jeltoqsanda bopsalanǵan aqshalaı qarajatty alyp jatqan ústinde 1982 jylǵy azamatsha S-ny ustaıdy.
Astana qalasy ІІD Tergeý basqarmasy azamatsha S-ny QR QK 181-babynyń 4-bóliginde kózdelgen qylmys jasaǵany úshin aıyptady. Esil aýdandyq soty azamatsha S-ny 2 aı merzimge tutqyndaýǵa sanktsııa berdi.
12 qańtarda saǵat 15:00-de Astana q. Mamandandyrylǵan aýdanaralyq soty atalǵan qylmys boıynsha birinshi tyńdaýdy taǵaıyndady (Astana q. Omarov kóshesi, 57-úı).
