Sot «Astana-Zelenstroı» JShS Bas dırektoryna 185 mln teńge aıyppul saldy
Bul týraly QazAqparat QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap habarlaıdy.
Baspasóz qyzmetiniń málimetterine qaraǵanda, Astana qalasy Baıqońyr aýdanynyń № 2 sotynda «Astana-Zelenstroı» JShS Bas dırektory A.Naýryzáli «Tabıǵat-Servıs NS» JShS dırektorynyń orynbasary S.Karlovadan jasyl ekpelerdi kútip ustaý boıynsha artyqshylyq bergeni jáne oryndalǵan jumystar aktilerine kedergisiz qol qoıǵany úshin 9 mıllıon teńge alý faktisi boıynsha isti qaraý aıaqtaldy.
Bıylńy 3 naýryzdaǵy sot úkimimen Naýryzáli para alǵany úshin kináli dep tanyldy jáne oǵan memlekettik mekemelerde qyzmet atqarý quqyǵynan aıyra otyryp, paranyń jıyrma eselengen somasy – 185 mıllıon teńge mólsherinde aıyppul túrinde jaza taǵaıyndaldy.
«Karlovqa sot paranyń on bes eselengen somasy – 135 mıllıon teńge kóleminde aıyppul saldy», - delingen habarlamada.
