Sot áskerı qyzmetshini áreketinde qylmys quramynyń bolmaýyna baılanysty aqtady
ASTANA. QazAqparat - Áskerı qyzmetshi A., sotqa S.-di ar-namysyna nuqsan keltiretin jalǵan málimetter taratty degen aıyppen qylmystyq jaýapkershilikke tartý shaǵymymen júgindi, dep habarlaıdy QR Joǵarǵy sotynyń baspasóz qyzmeti.
Aqmola garnızonynyń áskerı sotymen jeke aıyptaý boıynsha QR QK-niń 130 babynyń 1-tarmaǵymen áskerı qyzmetshi S.-ǵa qatysty qylmystyq is qaraldy.
Sot otyrysynda sottalýshy A.-men senimhat negizinde paıdalanǵan ózine tıesili avtokóliktiń satý merzimin sozýǵa keliskenderin aıtty. Keıinnen dollar baǵasynyń teńgege qatysty ósýine baılanysty A. mámilege kelýden bas tartyp, senimhat negizinde avtokóligin paıdalanýdy jalǵastyryp, qaıtarmaǵan. Sondyqtan, ol avtokóligin zańsyz paıdalanǵan A.-ǵa qatysty polıtsııaǵa shaǵym keltirgen. Alaıda onyń abyroıy men qadir-qasıetine nuqsan keltiretin nıeti bolmaǵan.
Sot talqylaýy barysynda sottalýshymen berilgen aıǵaqtar men naqty derekterdi zerdelep, sot dálelder men dáleldemelerdiń jıyntyǵy obektıvti túrde aqtaýǵa negiz dep sheshti.
Azamat A. sotqa sottalýshy qasaqana onyń abyroıy men qadir-qasıetine nuqsan keltiretin jalǵan málimetter taratty deýge negiz bolatyn jetkilikti dálelder usynǵan joq.
Osylaısha, sot S.-nyń áreketinde qylmys quramynyń bolmaýyna baılanysty aqtap, kinásiz dep tanydy.
