Sot «ArselorMıttal Temirtaý» kompanııasynan 36 mln teńgeden astam aqsha óndirdi
QARAǴANDY. QazAqparat - Kómir qoryn óndirý jáne temirjol vagondaryna tıeý túrindegi qyzmetterdi paıdalanǵan «ArselorMıttal Temirtaý» kompanııasy fırmaǵa 36 mıllıonnan astam aqshasyn tólemegen.
Osyǵan oraı sot qala túzýshi kásiporynnyń kelisimsharttaryn oryndaýyn talap etti, dep habarlaıdy «QazAqparat» HAA tilshisi.
Sot barysynda «ArselorMıttal Temirtaý» kompanııasynyń tapsyrysymen «PromTehnologııa» fırmasy ken arshý jumystaryn júrgizip, kómir qoryn óndirgendigi anyqtaldy. Sonymen qatar, kómirdi temirjol vagondaryna tıegen.
Bul jumystar kelisimshartta kórsetilgen. Alaıda, «ArselorMıttal» AQ óz mindetterin oryndamaı, tıisti aqshany tólegen joq. Osyǵan baılanysty fırma ony sotqa berip otyr.
«Kompanııa kelisimsharttaryn buzǵandyqtan, sot fırma talaptaryn tolyqtaı qanaǵattandyrdy. «ArselorMıttal Temirtaý» AQ-yna 36 mıllıon 777 myń 327 teńge kólemindegi qaryzyn óndirý úkimin shyǵardy», dep habarlady Qaraǵandy oblysy mamandandyrylǵan aýdanaralyq ekonomıkalyq soty.
