Sot «Arqankergen» beketiniń shekarashysy Denıs Reıdi qaza boldy dep tanydy
Osy arqyly sarbazdyń anasy Tatıana Reıdiń «ulynyń mert bolǵandyǵyn rastaý nemese onyń óliminiń faktisin anyqtaý» týraly sotqa joldaǵan talap-aryzy qanaǵattandyryldy.
«Denıs Vıktorovıch Reı QR UQK «Arqankergen» shekara zastavasynda jaýyngerlik qyzmetin óteý kezinde QR Qarýly Kúshteri qatarynda áskerı mindetin atqarý barysynda 2012 jylǵy 28 mamyrda qaza boldy dep tanyldy», - delingen búgin sottyń qabyldaǵan sheshiminde.
Budan buryn habarlanǵandaı, sarapshylar sarbazdyń denesi qatty kúıik shalǵandyqtan onyń genetıkalyq saraptamasyn júrgize almaǵan edi.
QR Bas áskerı prokýratýrasy ókiliniń sózinshe, D. Reıdiń qaza bolǵandyǵyn rastaý arqyly onyń anasyna tıisti jeńildikter men ulynyń ólimine baılanysty 500 aılyq eseptik kórsetkish kóleminde ótemaqy tóleýge múmkindik beredi.
Eske sala keteıik, osy bekette áskerı boryshyn ótep júrgen Vladıslav Chelah «Arqankergen» shekara qosynynda 15 adamdy óltirdi degen aıyppen 2012 jyly sottalǵan bolatyn.
