Sot aryzdy qanaǵattandyrmady: Aqmola oblysynda halyqaralyq ekotýrızm jobasy jalǵasady
KÓKShETAÝ. KAZINFORM — Bas prokýratýranyń Investorlardyń quqyqtaryn qorǵaý komıteti Aqmola oblysynda ekotýrızm salasynda halyqaralyq jobany iske asyryp jatqan kompanııadan 16 myń gektar jerdi zańsyz tartyp almaq bolǵan áreketke tosqaýyl qoıdy.
Joba aıasynda Qazaqstanǵa bızondar ákelindi, sondaı-aq Qyzyl kitapqa engen Prjevalskıı jylqylarynyń popýlıatsııasyn qalpyna keltirý jáne asyl tuqymdy jylqy sharýashylyǵyn damytý josparlanǵan.
— Buǵan deıin Aqmola oblysynyń Jer resýrstaryn basqarý departamenti jer telimin nysanaly maqsaty boıynsha paıdalanbady degen ýájben jáne ony qaıtarý týraly talappen sotqa júgingen. Birinshi satydaǵy sot talap aryzdy qanaǵattandyrǵan, — dep jazdy prokýratýradan.
Qadaǵalaý organy zań buzýshylyqtar formaldy sıpatta bolǵanyn jáne olardy mundaı qatań sharalarsyz-aq joıýǵa bolatynyn anyqtaǵan. Prokýratýra yqpal etý sharalary zańbuzýshylyqtyń aýyrlyǵyna sáıkes kelýi tıisdegen proportsıonaldylyq prıntsıpin eskere otyryp, ınvestordy qoldady.
— Prokýrorlardyń aralasýynan keıin Departament talap aryzdan bas tartty. Apellıatsııalyq alqa birinshi satydaǵy sottyń sheshimin joıdy. Investorǵa jobany iske asyrýdy jalǵastyrýǵa múmkindik berildi. Jer telimderi ǵana emes, sonymen qatar óńirdiń damýyna serpin beretin iri ınvestıtsııalyq jobany júzege asyrý úshin qajetti jaǵdaılar saqtalyp qaldy, — delingen habarlamada.
Komıtet ákimshilik kedergilerge nemese quqyqtarynyń buzylýyna tap bolǵan ınvestorlardy dereý 115 nómiri boıynsha Call-ortalyqqa habarlasýǵa shaqyrady.
Buǵan deıińn prokýrorlar Mańǵystaý oblysynda ınvataksı qyzmetinen zańbuzýshylyq anyqtaǵan bolatyn.
