Sot Almaty qalalyq densaýlyq saqtaý ortalyǵyndaǵy urlyq isine núkte qoıdy
Ekonomıkalyq kontrabanda faktisi boıynsha «V» JShS quryltaıshysy men dırektoryna, atap aıtqanda, birneshe ret, aldyn ala sóz baılasý arqyly, adamdar tobynda, dáıeksiz málimetter men qujattardy paıdalana otyryp, taýarlardy Eýrazııalyq ekonomıkalyq odaqtyń kedendik shekarasy arqyly asa iri mólsherde ótkizýge (QK-niń 2 b. 234-bap) qatysty is qaraldy.
Sot úsh qabatty medıtsınalyq maskalardy jetkizýge tender jarııalaǵanyn anyqtady.
«V» JShS dırektory men quryltaıshysy medıtsınalyq maskalardy jetkizý túrinde dáıeksiz qujattar boıynsha ruqsat alyp, QR aýmaǵyna medıtsınalyq úsh qabatty maskalardy emes, barlyq qajetti bajdardy tóleı otyryp, kedendik rásimdeýge jatatyn jaı maskalardy alyp kelgen, osylaısha ekonomıkalyq kontrabanda jasady.
Sodan keıin, «V» JShS kompanııasynyń dırektory «S» JShS dırektory jáne basqa da tulǵalarmen sóz baılasty, sondaı-aq, Almaty q. QDSB-nyń laýazymdy tulǵalarymen qylmystyq sóz baılasýǵa túsken. Іs júzinde memlekettik satyp alý týraly shart boıynsha medıtsınalyq maskalardy usynbaǵan, al bólingen qarajatty asa iri mólsherde ıemdenip, ysyrap etý jolymen urlaǵan.
Almaty QDSQ-ǵa keltirilgen zalal 234 mln-nan astam teńgeni qurady.
Almaty boıynsha MKD-ǵa keltirilgen zalal 19 mln teńgeni qurady.
Prokýror jaryssózde sottan barlyq sottalýshylardy taǵylǵan aıyp boıynsha kináli dep tanýdy jáne quqyq buzýshylyqtardyń jıyntyǵy boıynsha 7 jyldan 8 jylǵa deıin bas bostandyǵynan aıyrý jazasyn taǵaıyndaýdy surady.
Almaty boıynsha MKD jábirlenýshiniń ókili prokýrordyń jaza taǵaıyndaý týraly ustanymymen kelisti.
Almaty QDSB ókili jazany sottyń qaraýyna qaldyrdy.
Osy is boıynsha 6 adam qylmystyq jaýapkershilikke tartyldy, olarǵa qylmystyq jolmen alynǵan múlikti (aqshalaı qarajat) tárkileı otyryp, qatysý dárejesine qaraı 3 jyldan 7 jylǵa deıin jáne 6 aıǵa deıin bas bostandyǵynan aıyrý jazasy taǵaıyndaldy.
Sot materıaldyq zalaldy memleket kirisine 254 mln. teńge somasynda óndirip aldy.
Sot úkimi zańdy kúshine engen joq.
Avtor: Dýman Arǵyngeldi