Sot aktileriniń oryndalýyn baqylaıtyn ınstıtýt engiziledi
NUR-SULTAN. QazAqparat – Sot aktileriniń oryndalýyna sot baqylaý ınstıtýty engiziledi. Bul týraly Parlament Májilisiniń jalpy otyrysynda QR Ákimshilik rásimdik-protsestik kodeksiniń jobasyn birinshi oqylymda talqylaý kezinde Ádilet mınıstri Marat Beketaev málim etti, dep habarlaıdy QazAqparat tilshisi.
Mınıstrdiń aıtýynsha, ákimshilik sot isin júrgizý bóliginde jobada negizgi erejeler eskerilgen.
«Sot isin júrgizýdiń jańa túriniń ereksheligi – ol dáleldemelerdi jınaý protsesinde sot belsendiliginiń kúsheıýi bolady. Búgingi tańda bılik organdary daýlardy azamattyq sot isin júrgizý tártibimen qaraıdy.
Alaıda, qoldanystaǵy tártip bir jaǵynan bılik organy jáne ekinshi jaǵynan azamattyń is júzinde teń emestigin eskermeıdi. Belsendi róli prıntsıpin basshylyqqa ala otyryp, sot dáleldemelerdi derbes jınaı otyryp, daýdyń mán-jaıyn anyqtaýǵa mindetti bolady. Sot aktileriniń oryndalýyna sot baqylaý ınstıtýty engiziledi», - dedi Marat Beketaev.
Atap aıtqanda, sottyń talaptaryn ýaqtyly oryndaýdy qamtamasyz etý maqsatynda júz aılyq eseptik kórsetkishke deıin aqshalaı jazalardy birneshe ret qoldaný múmkindigi kózdeledi.
Budan buryn habarlanǵandaı, Parlament Májilisiniń jalpy otyrysynda palata depýtattary Qazaqstan Resýpýblıkasynyń Ákimshilik rásimdik-protsestik kodeksiniń jobasyn birinshi oqylymda maquldady.
