Sot aktilerin oryndaý komıteti Ádilet mınıstrliginiń quramynda jumys isteýdi bastady

Bul týraly búgin elordada ótken baspasóz másılhatynda QR Ádilet mınıstrliginiń resmı ókili Erbolat Erimbet málim etti.

Memleket basshysynyń quqyq qorǵaý qyzmetin reformalaý jónindegi Jarlyǵyna sáıkes atqarýshy qujattardy oryndaý qyzmeti men ókilettikter Ádilet mınıstrliginiń qaraýyna berilgendigin atap ótken ol: «Qazir Sot aktilerin oryndaý komıteti Ádilet mınıstrliginiń quramynda jumys isteýdi bastady»,- dedi.

Aǵymdaǵy jylǵy qazannyń 21-inen bastap «Atqarýshylyq is júrgizý jáne sot oryndaýshylarynyń mártebesi týraly» jańa zań qabyldanyp, óz kúshine engen. Bul qujatqa sáıkes sot oryndaýshylaryna birqatar quziret berilip otyr. «Osy zańǵa sáıkes endi sot oryndaýshylary josyqsyz boryshkerlerge qatysty debıtorlyq bereshekten óndirip alý, lıtsenzııasy men ruqsat qoldanysyn toqtata turý, el aýmaǵynan shyǵýǵa tyıym salý, múliktik emes sıpattaǵy ister boıynsha údemeli ósimaqy salý syndy sharalardy qoldana alady», - dedi E.Erimbet.