Sot ákimshiligi basshysynyń birinshi orynbasary taǵaıyndaldy
ASTANA. KAZINFORM — Naıl Ahmetzakırov Joǵarǵy Sot Tóraǵasynyń ókimimen jańadan taǵaıyndalǵan Sot ákimshiligi basshysynyń birinshi orynbasary Shákir Shaıahmetovti tanystyrdy. Onyń kandıdatýrasy QR Prezıdenti Ákimshiligimen kelisilgen, dep habarlaıdy Joǵarǵy sottyń baspasóz qyzmeti.
SÁ basshysy Sh.Shaıahmetovti kásibı maman retinde sıpattap, onyń sýdıalardyń táýelsizdigi men azamattardyń sotqa senimin arttyrý úshin bar kúsh-jigeri men tájirıbesin salatynyna senim bildirdi.
Sh.Shaıahmetov 1977 jyly dúnıege kelgen.
Shymkent energetıka jáne bıznes kolledjin «Elektrondyq esepteýish mashınalar men avtomattandyrylǵan júıelerdi baǵdarlamalaý» mamandyǵy boıynsha jáne QR Іshki ister mınıstrliginiń akademııasyn «Quqyqtaný» mamandyǵy boıynsha bitirgen.
«Bolashaq» baǵdarlamasy boıynsha Kembrıdj ýnıversıtetinde ǵylymı taǵylymdamadan ótken.
Zań ǵylymdarynyń kandıdaty, dotsent.
Ádilet mınıstrligi Qylmystyq-atqarý júıesi komıtetiniń akademııasynda, S.Esqaraev atyndaǵy Bas prokýratýranyń Prokýratýra kadrlarynyń biliktiligin arttyrý ınstıtýtynda, Bas prokýratýra janyndaǵy Quqyq qorǵaý organdary akademııasynda túrli basshylyq qyzmetterdi atqarǵan.
2023 jyldan – SÁ halyqaralyq baılanystar bóliminiń bastyǵy.
Buǵan deıin habarlaǵanymyzdaı, Pavlodar oblysyndaǵy eń iri astyqty aýdanǵa jańa ákim taǵaıyndaldy.