Sot ákeni aýtızmge shaldyqqan balasynyń ońaltý shyǵyndaryn óteýge mindettedi
ASTANA. KAZINFORM — Astana qalasynyń ıÝvenaldy sotynda kámeletke tolmaǵan balanyń ákesine qarsy azamattyq is qaraldy. Іs anasynyń balany emdetýge jáne ońaltýǵa jumsaǵan shyǵyndaryn óndirip alý týraly boldy.
Astana qalasynyń kámeletke tolmaǵandardyń isteri jónindegi mamandandyrylǵan aýdanaralyq soty málim etkendeı, buǵan deıin zańdy kúshine engen sot sheshimimen jaýapkerdiń ákelik quqyǵy anyqtalyp, balaǵa alıment jáne qaıta kýálandyrý merzimi aıaqtalǵanǵa deıin qosymsha qarajat óndirý belgilengen bolatyn.
Talap qoıýshy qosymsha shyǵyndardy óndirý týraly talap qoıýyn dáleldeı otyryp, balanyń múgedektik merzimi uzartylǵanyn kórsetti. Osyǵan baılanysty ol balanyń tolyqqandy ońaltýyn qamtamasyz etý úshin psıholog, logoped, ózge de medıtsınalyq jáne pedagogıkalyq mamandardyń qyzmetine tólenetin eskerilmegen shyǵyndardy ózi kóterip otyrǵanyn atap ótti.
Sotta jaýapker men onyń ókili talap qoıýdy moıyndamady, jaýapkerdiń qazirgi nekesinen taǵy bir kámeletke tolmaǵan balasy bar ekenin eskerip, qosymsha shyǵyndardy 15 AEK-ten aspaıtyn mólsherde óndirýdi surady.
Sotta anyqtalǵandaı, balada aýtızm spektriniń buzylysy (aýtızm) dıagnozy qoıylǵan, ol úzdiksiz keshendi emdeýdi jáne áleýmettik beıimdeýdi qajet etedi. Bala «jeti jasqa deıingi múgedek balalar» sanatyna jatqyzylyp, medıtsınalyq qaıta kýálandyrý merzimi belgilengen.
— Usynylǵan dáleldemelerdi, qosymsha shyǵyndardyń bar ekendigin, sondaı-aq kámeletke tolmaǵannyń quqyqtary men zańdy múddelerin qorǵaý qajettiligin eskere otyryp, sot talap qoıýdyń negizdi ekendigi týraly qorytyndyǵa keldi. Sot sheshimimen talap qoıý qanaǵattandyryldy. Jaýapkerden kámeletke tolmaǵannyń ońaltýyna qosymsha shyǵyn retinde aı saıyn 25 AEK mólsherinde — qaıta kýálandyrý merzimi aıaqtalǵanǵa deıin óndirip alý belgilendi. Sheshim zańdy kúshine endi, — delingen sot taratqan aqparatta.
Atyraýda aýtızmge shaldyqqan balanyń anasy memlekettik mekemeni ótemaqy tóleýge sot arqyly mindettegenin jazdyq.