Sot Ádilet Zeıneldiń jábirlenýshi bolýdan bas tartý jaıly ótinishin qanaǵattandyrmady
ASTANA. KAZINFORM — Sot Ádilet Zeıneldiń jábirlenýshi mártebesinen bas tartý týraly ótinishin qanaǵattandyrmady. Buǵan deıin qyzmettik mindetin atqarýda qaza tapqan feldsher Uldana Myrzýannyń kúıeýi jábirlenýshi bolýdan bas tartqysy kelgen edi.
Bul rette sýdıa Merýert Abaeva oǵan negizgi sot talqylaýy barysynda jaýap alynǵannan keıin osyndaı ótinishpen qaıta júginýge bolatynyn túsindirdi.
Buǵan deıin Á.Zeıneldiń advokaty onyń jábirlenýshi retinde iske qatysýyn toqtatyp, qaza bolǵan áıeldiń anasyna jábirlenýshi quqyqtaryn berýdi suraǵan edi.
Sot protseske qatysýshylardyń pikirin tyńdap, qazirgi kezeńde ótinishti qanaǵattandyrýdan bas tartý týraly qaýly shyǵardy.
Al Uldana Myrzýannyń anasy Sálıma Omarova kúıeý balasynyń jábirlenýshi bolýǵa moraldik quqyǵy joq ekenin aıtqan edi.
23 jastaǵy Uldana Myrzýan 2025 jylǵy 18 qarashada qyzmettik mindetin atqarý kezinde kóz jumdy.
8 qarashada elordada turǵyn úı kesheniniń qasbetindegi kirpish qaptamasy men kondıtsıoner qondyrǵysynyń bóligi qulap, saldarynan 5 adam zardap shekti. Zardap shekkenderdiń bári № 1 kópsalaly aýrýhanaǵa jetkizildi.
Memleket basshysy qaza tapqan feldsherdi «Erligi úshin» medalimen marapattady.
