Sot 12 jasar qyzdy zańsyz qarý saqtaǵany úshin aıyptady
ASTANA. QazAqparat - Toronto polıtsııasy megapolıstiń soltústik jaǵyndaǵy turǵyn úılerdiń birinde júrgizgen arnaıy operatsııa qorytyndysy boıynsha alty jasóspirimge zańsyz qarý saqtaǵandyqtary úshin aıyp taqty.
Bul týraly sársenbi kúni CTV telearnasy habarlady.
Tártip saqshylary toǵyz adamdy qolǵa túsirdi. Olardyń ishinde 12 jáne 16 jastaǵy qyzdar jáne eki 16 jasar, sondaı-aq 17 jastaǵy jasóspirim bar.
Kanadalyq zańǵa sáıkes, olar kámelettik jasqa tolmǵandyqtan aty-jóni aıtylmaıdy.
Solarmen birge 18 jasar Abdýllahı Hassan, 24 jasar Nıkol Brand jáne 39 jastaǵy áıel de tutqynǵa alyndy.
Polıtsııa bularǵa zańsyz qarý, oq-dári saqtaǵany, sonymen qatar qarýlardyń serııalyq nómirlerin óshirgendigi úshin, jalpy alǵanda 111 aıyp taǵyp otyr.
Tárkilengen qarýlardyń arasynda eki tapansha-pýlemet bar. Qazir polıtsııa bul úıde sonshama qarý ne úshin, qandaı maqsatpen saqtalǵandyǵyn jáne ustalǵandardyń bir-birimen qandaı qarym-qatynasta bolǵandyǵyn tekserýde.
