SOS Qazaqstannyń balalar aýyldarynyń túlekteri baspanaly bola alady
Bul týraly búgin «Samuryq - Qazyna» ulttyq ál-aýqat qory men «SOS Kinderdorf International» halyqaralyq kory arasyndaǵy yntymaqtastyq týraly memorandýmǵa qol qoıý rásimi aıasynda QazAqparat tilshisine suhbat bergen «SOS Qazaqstannyń balalar aýyldary» korporatıvtik qorynyń otbasy qamqorlyǵy jónindegi keńesshisi Ksenııa Rodıonova málim etti.
Onyń habarlaýynsha, qazirgi kezde SOS Qazaqstannyń balalar aýyldary ornalasqan Astana, Almaty jáne Temirtaý qalalarynda túlekterdi bólek ornalastyrý jobasy qolǵa alynǵan. «Sondaı-aq olardy baspanamen qamtamasyz etý jobasy da bar. Alaıda, eń aldymen, túlektiń ózi turǵyn-úı máselesin sheshýge barynsha tyrysyp, qarajat jınaýy tıis. Al baspana baǵasynyń 30 paıyzdan kem emes somasy jınalǵan kezde, ol «SOS Qazaqstannyń balalar aýyldary» korporatıvtik qoryna qosymsha qarajat bólip berý jónindegi ótinishin bere alady. Sol kezde oǵan tıisti kómek kórsetiledi», - dep atap kórsetti K.Rodıonova.
