SOS dabylyna 107 jyl toldy
ASTANA. 4 qazan. QazAqparat - Budan týra 107 jyl buryn 1906 jylǵy 3 qazanda Berlınde 29 memleket ókilderiniń qatysýymen Teńiz konferentsııasy ótti, onda teńizdegi apattyń jańa dabyly - SOS qabyldandy, dep habarlady Rosbalt.
1890 jyly radıony oılap tabýǵa deıin teńiz kemelerinde ártúrli apat dvabyldary qoldanyldy. Ol úshin semafor jalaýy, dabyldyq ot jáne qońyraý paıdalanyldy.
Radıoda alǵashqyda Morze álipbıi qoldanyla bastady, keıinnen kemelerde radıostansalar paıda bolyp, kommýnıkatsııalardy standarttaý qajettigi týyndady.
Alǵashqyda CQD áripterinen turatyn dabyl belgisi usynyldy, onyń alǵashqy eki árpi búkil radıostansalar úshin standartty shaqyrýdy biledi, al sońǵy D árpi aǵylshynsha Danger (qaýip) degen sózdiń bas árpi bolyp tabylady. Teńizshiler "Come Quick, Danger" degen sózderdi qoldandy, bul «Tezirek jetińizder, qaýip!" degen uǵymdy bildiredi. Biraq bul áripterdi Morze álippesine túsirý kúrdeli boldy. Sondyqtan da basqa dabyl belgisi - SOS tańdaldy.
1999 jyldyń 1 aqpanynan bastap, barlyq teńiz kemeleri GMDSS apattyq dabylyn qoldanýy tıis boldy. Osyǵan baılanysty SOS belgisiniń mańyzy kemigenmen, ol áli de qoldanysta.
