«SOS Astanadaǵy balalar kenti» balalaryna 30 metrlik tort syıǵa tartyldy - VIDEO
ASTANA. QazAqparat - Búgin Halyqaralyq balalardy qorǵaý kúniniń qarsańynda «SOS Astanadaǵy balalar kentinde» «Qazaqstannyń eń uzyn torty» ázirlendi.
Jyl saıyn osy merekeniń qarsańynda «SOS Astanadaǵy balalar kenti» oǵan arnalǵan dástúrli sharalardy ótkizedi.
Bıylǵy jylǵy merekeniń basty ereksheligi - kesilip, jınalǵandarǵa taratylǵan «Qazaqstannyń eń uzyn torty» 30 metrlik tátti taǵam, dep habarlaıdy mekemeniń baspasóz qyzmetinen. Bıylǵy jyly balalar kentiniń qonaqtarynyń arasynda «Samuryq-Qazyna» Ulttyq ál-aýqat qory, «Bolashaq» birlesken qory, Astana qalalyq bilim berý basqarmasy, QR Parlament Májilisi, «Astana» sport kesheni jáne ERG kompanııasynyń ókilderi boldy.
Sondaı-aq sharanyń aıasynda merekelik kontsert bolyp ótti.
