«Sortóbe» shekara bólimshesinde halyqaralyq izdeýde júrgen kúdikti ustaldy

ASTANA. QazAqparat - Halyqaralyq izdeýde júrgen kúdikti Qazaqstan shekarasynda ustaldy, dep habarlaıdy Ulttyq qaýipsizdik qyzmetiniń baspasóz qyzmeti.

2023 jylǵy 28 aqpanda UQK ShQ Jambyl boıynsha departamentiniń «Sortóbe» shekara bólimshesiniń áskerı qyzmetshileri Qyrǵyz Respýblıkasynan Qazaqstanǵa ótý maqsatymen Memlekettik shekarany zańsyz kespek bolǵan halyqaralyq izdeýdegi QR azamatyn ustady.
Shekara qyzmetiniń basshylyǵy zań buzýshyny ustaý kezinde kórsetken ójettiligi men sheberligi úshin erekshelengen shekarashylardy marapattaý suraǵyn qarastyrýda.

Sonymen qatar, 2023 jylǵy 1 naýryzda UQK ShQ Jambyl boıynsha departamentiniń áskerı qyzmetshileri «Aısha bıbi» ótkizý beketinde de Qazaqstanda qylmys jasaǵany úshin izdeýdegi QR azamatyn ustady.

Ustalǵandar protsessýaldyq sheshim qabyldaý úshin quqyq qorǵaý organdaryna tapsyryldy.